ನೇತ್ರಾವತಿ ಮತ್ತು ಬಾಪು ಮತ್ತು ಅವಳು ಮತ್ತು...!!

-ಬಾಪು ಅಮ್ಮೆಂಬಳ

ಬಾನ ಹಾದಿಯಲಿ ಯಾನ ,
ಭುವಿಯ ಸೇರಲು ವರುಣ;
ನಿನ್ನೊಲವ ಪಡೆಯಲು ,
ನೇತ್ರಾವತಿ ತೀರದವನ ಪಯಣ. 

          -------------

ಇಷ್ಟೇ ಬೇರೇನಿಲ್ಲ ....!
ಮೋಹಕ ತಂಗಾಳಿಯಿದೆ 
ಮೋಡಗಳ ರಾಶಿಯಿದೆ
ಮಳೆ ಬರುವ ಸಂಭವವಿದೆ..
ನೋಟದಲ್ಲೇನೋ ಸಂಚಿದೆ ,
ಎದೆ ಬಡಿತ ಜೋರಾಗಿದೆ 
ಒಲವಿನ ಕರೆಯೋಲೆ ಸಿಗುವ ಹಾಗಿದೆ...!!

             --------------

ಮಾನ್ಸೂನಿನ ತಂಗಾಳಿಯಲಿ ,
ನಿನ್ನ ಅಧರಗಳ ಸಿಹಿಯಿದೆ .
ಚೆಲ್ಲಿದ ಗುಲ್ಮೋಹರ ದಳಗಲಲಿ
ನಿನ್ನದೇ ರಂಗಿದೆ ,
ಕೊಲ್ಮಿಂಚಿನ ಅಂಚಲಿ
ನಿನ್ನ ಕಣ್ಣೋಟದ ಸೆಳೆತವಿದೆ.
ಒಮ್ಮೆ ನೀ ಬರಬಾರದೇ !?
ಭುವಿಯ ಮುತ್ತುವ ಜಡಿಮಳೆಯಂತೆ...!

              -------------

ಮಬ್ಬಾಗಿದೆ ಬಾನ

ಒತ್ತೊಟ್ಟಿಗೆ ಕವಿಮನ,

ಅಳುವಿನೊಟ್ಟಿಗೆ

ಬರಲಿ ಜಡಿಮಳೆ
ಯಾಕೆಂದರೆ
ಅರಿಯದಿರಲಿ ಕವಿಯ
ಅಳಲು ಈ ಜನ.